پہلی ملاقات ۔۔۔

آنے کورات تھی
وہ میرے ساتھ تھی
ساحل پہ ساتھ ساتھ
ہاتھوں میں لئے ہاتھ
چلتی ہوا کے سنگ
وہ میرے سنگ سنگ
بڑھتے ہوئے اندھیروں میں تنہائی کے تھے سنگ
قوس و قزا کے رنگ
جو لائے اپنے ساتھ تھے فطرت کے تقاضے
اِک نئی ادا سے
پھر ٹہنیاں گلاب کی اِک دوسرے کو دیں
اظہار کے لئے
اقرار کے لئے
کچھ دیر کے لئے
وہیں بیٹھ گئے ہم
ریت میں دبا کے ٹہنیوں کو سامنے
جیسے کہ خود ہوں ہم
لگ کے کھڑی تھیں ساتھ وہ موجوں میں ڈوب کے
پھر
جانے کیا ہوا
بپھرنے لگیں موجیں بھی جذبات کی طرح
اور ہونے لگیں مست‘ وہ کلیاں گلاب کی
موجیں جو آئیں موج میں‘ طوفان بن گئیں
اور خوشگوار سا
اِک واقعہ ہوا
طوفان جو تھما تو وہ کلیاں نہیں رہیں
گلاب بن گئیں