Add Poetry

پہلی مُلاقات

Poet: A-R Ajiz By: A-R Ajiz, Lahore

پہلی ہی مُلاقات میں پیار نہیں ہوتا
کسی کے لئے یوں دل بے قرار نہیں ہوتا

تم کہتے ہو مر مٹے ہیں دل و جان سے ہم
اتنی جلدی کسی پہ دل نثار نہیں ہوتا

ہر کسی سے یوں اظہارِ محبت اچھا نہیں
ہر چہرہ کسی کا یار نہیں ہوتا

آساں ہے اظہارِ محبت بہت لیکن
آتی ہے جو تکلیف اسکا شمار نہیں ہوتا

مکتبِ عشق میں لو پہلے داخلہ
بن اس کے سچا پیار نہیں ہوتا

دیکھ کے ہنسی کو میری خوش نہ ہوا کرو
ہر کھلا پھول خوشبودار نہیں ہوتا

کھائی ہے ایسی چوٹ پیار میں ہم نے
ہر کسی سے اب اس کا اظہار نہیں ہوتا

پہلے ہی دامن داغِ محبت سے بھرا ہے اپنا
کیوں کہتے ہو عاجز داغدار نہیں ہوتا

Rate it:
Views: 589
05 Apr, 2010
Related Tags on Love / Romantic Poetry
Load More Tags
More Love / Romantic Poetry
تُمہاری یاد میں دِل کا نِظام کس کا تھا تُمہاری یاد میں دِل کا نِظام کس کا تھا؟
یہ اِضطراب، یہ شوقِ دَوام کس کا تھا؟
جو بے نَقاب ہوا خواب میں، بتایا نہیں،
یہ حُسن، یہ نگہِ خوش کَلام کس کا تھا؟
سَکوتِ شَب میں جو دِل کو جَلا گیا آخر،
چَراغ کون تھا، شُعلۂ خام کس کا تھا؟
تُمہارے بعد جو تَنہائی کا سَفر گُزرا،
ہر ایک موڑ پہ سایہ، سَلام کس کا تھا؟
جو لَب ہِلے نہ کبھی، اَشک بَن کے بَہتا رہا،
وہ غَم تُمہارا تھا یا میرا نام کس کا تھا؟
جو زَخم دے کے بھی چُپ تھا، وہ شَخص کیسا تھا؟
نہ پُوچھ مجھ سے، وُہی اِنتقام کس کا تھا؟
دھُواں تھا دِل میں، مَگر روشنی سی باقی تھی،
جَلا جو خواب، وُہی احتشام کس کا تھا؟
جو زِندگی کو بِکھرنے سے روک لیتا تھا،
وہ حَرف، وہ دُعا، وہ کَلام کس کا تھا؟
سُنے بغیر جو خاموش ہو گیا مظہرؔ،
وہ آخری سا دِل آشوب جام کس کا تھا؟
نَظر میں عَکس رہا، دِل میں چُپ سا طُوفاں تھا،
یہ بے قَراری، یہ وَجد و قیام کس کا تھا؟
جو دَستِ غیر سے خط بھی ملا تو حَیرت تھی،
بِکھرتے حَرف میں وہ اِحترام کس کا تھا؟
کہیں سے آئی صَدا، اور سَب لَرز سے گئے،
یہ کَیف، یہ اَثر، یہ پَیام کس کا تھا؟
تُمہیں جو کہتے ہیں مظہرؔ وَفا سے دُور ہوا،
بَتاؤ ان کو، وُہی تو غُلام کس کا تھا؟
MAZHAR IQBAL GONDAL
Popular Poetries
View More Poetries
Famous Poets
View More Poets