پیار

اوتھے ہُندا سچا پیار ای نئیں
جِتھے دِل نال مِلدے تار ای نئیں

کُجھ لفظ وی سینہ چِیر جاندے
دیندی زَخم خالی تَلوار ای نئیں

اوہدی زِندگی وانگر کھنڈر دے
جِہدے دِل وِچ کسے دا پیا رای نئیں

کُجھ ہَتھ سی وِچ نصیب دا وی
ساڈا دُشمن اِک سَنسار ای نئیں

جیہڑا پیار دی مَنگدا بِھیک پِھرے
بَندہ پیار دا اوہ حقدار ای نئیں

ہووے اندر غم تے ہَسے نہ
اوہ بندہ کوئی فنکار ہی نئیں

ایس عشق نے دُنیا خوار کیتی
ہویا پاگل اِک ذوالفقار ای نئیں