پیار دا سبق
Poet: M.Asghar Mirpuri By: M.Asghar Mirpuri, Birminghamاوہ میرے سخنیاں چ آندے رہندے نیں
میرا حال سندے تے اپنا سناندے رہندے نیں
مینوں پیار دا سبق پڑھاندے رہندے نیں
مفت چ میریاں نیندراں اڈاندے رہندے نیں
ہر ویلے وعدہ کر کے اوہ بھل جاندے نیں
فیر غم میری جند نوں کھاندے رہندے نیں
ہن تے اے ساڈا روز دا کم ہو گیا اے
اوہ رسدے رہندے نیں یار مناندے رہندے نیں
اسی تے کدے کسے نوں دسیا ہی نئیں
کے اوہ اصغر نوں کناں ستاندے رہندے نیں
Rate it: 
Views: 292
05 May, 2011
More Love / Romantic Poetry
