پیار کا چاند

وہ دل ہی کیا تیرے ملنے کی جو دعا نہ کرے
میں تجھ کو بھول کے زندہ رہوں خد ا نہ کرے

رہے گا پیار تیرے ساتھ زندگی بن کر
یہ اور بات میری زندگی وفا نہ کرے

یہ ٹھیک ہے نہیں مرتا کوئ جدائ میں
خد ا کسی کو کسی سے مگر جدا نہ کرے

اگر وفا پہ بھروسہ رہے نہ دنیا کو
تو کوئ شخص محبت کا حوصلہ نہ کرے

سنا ہے اس کو محبت دعائیں دیتی ہے
جو دل پہ چوٹ تو کھائے مگر گلہ نہ کرے

بجھا دیا ہے نصیبوں نے میرے پیار کا چاند
کوئ دیا میری پلکوں پہ اب جلا نہ کرے

زمانہ دیکھ چکا ہے پرکھ چکا ہے اسے
قتیل جان سے جائے پر التجا نہ کرے