چار دن کی پے

پرندہ قید ہو گا یہ رہائی چار دن کی ہے
یہی سچ ہے کہ پنجہ آزمائی چار دن کی ہے

ہؤا کیا پانچویں دن کا فسانہ گول کر ڈالا
فقط فرضی کہانی ہی سنائی چار دن کی ہے

ستمگر ظلم ڈھاتا ہے کوئی صبر آزماتا ہے
تکبر چار دن کا ہے، دہائی چار دن کی ہے

پڑا ہے آنکھ پر پردہ ہماری، زندگانی کا
طوالت جس قدر ہو پھر بھی بھائی چار دن کی ہے

پھر اس کے بعد جانے تم کہاں ہو ہم کہاں ہوں گےل
یییدمممڈہمارے بیچ میں یہ آشنائی چار دن کی ہے

الگ ہو گا تو یہ مخلوق تجھ سے خوب نمٹے گی
امیرِ شہر تک تیری رسائی چار دن کی ہے

کرے ہے کوئی دعویٰ پاکبازی کا تسلسل سے
کھلے گا اس کا چہرہ، پارسائی چار دن کی ہے

بچھڑ کر رہ گئے جن سے ملیں گے پھر قیامت میں
کہ دنیا ختم ہو گی، یہ جدائی چار دن کی ہے

کہوں فردوس کا حسرتؔ تمہیں آسان سا نسخہ
ہمیشہ کے لیئے سکھ، بس کمائی چار دن کی ہے