Add Poetry

کب کوئی موسم رکا ہے جانتے ہیں سب یہ بات

Poet: Azra Naz By: Azra Naz, Reading UK

کب کوئی موسم رکا ہے جانتے ہیں سب یہ بات
وقت پر ہوتی ہے صبح ، وقت پر ڈھلتی ہے رات

دینے والا ہاتھ ہوتا ہے ہمیشہ بالا تر
حشر تک پھییلا رہے گا مانگنے والے کا ہاتھ

چند لمحوں کی مسرت ڈال دامن میں مرے
عمر بھر کس نے دیا ہے ایک بیگانے کا ساتھ

جب سے میں نے سر زمینِ فکر پہ رکھا قدم
بدلی بدلی لگ رہی ہے مجھ کو ساری کائنات

بات چھوٹی سی ہے لیکن یاد رکھنا تم اسے
چاہتوں کے کھیل میں تو جیت سے بہتر ہے مات

ہم ہی ناداں تھے نہ جو پہچان پائے آپ کو
دو قدم چل کر دکھا دی آپ نے تو اپنی ذات

جو بھی ہے موجود دنیا میں ، وہ سب مٹ جائے گا
اس جہاں میں کیا ہے ایسا جس کو حاصل ہے ثبات

ذرے ذرے میں ہیں پنہاں سب خدا کی قدرتیں
گیت گاتے ہیں اسی کے ڈالی ڈالی پات پات

دل کا یہ عالم ہے عذراؔ جب بھی یاد آتے ہیں وہ
آنسوؤں میں ڈوب جاتی ہے ہماری چاند رات

Rate it:
Views: 720
25 Mar, 2013
Related Tags on Love / Romantic Poetry
Load More Tags
More Love / Romantic Poetry
تُمہاری یاد میں دِل کا نِظام کس کا تھا تُمہاری یاد میں دِل کا نِظام کس کا تھا؟
یہ اِضطراب، یہ شوقِ دَوام کس کا تھا؟
جو بے نَقاب ہوا خواب میں، بتایا نہیں،
یہ حُسن، یہ نگہِ خوش کَلام کس کا تھا؟
سَکوتِ شَب میں جو دِل کو جَلا گیا آخر،
چَراغ کون تھا، شُعلۂ خام کس کا تھا؟
تُمہارے بعد جو تَنہائی کا سَفر گُزرا،
ہر ایک موڑ پہ سایہ، سَلام کس کا تھا؟
جو لَب ہِلے نہ کبھی، اَشک بَن کے بَہتا رہا،
وہ غَم تُمہارا تھا یا میرا نام کس کا تھا؟
جو زَخم دے کے بھی چُپ تھا، وہ شَخص کیسا تھا؟
نہ پُوچھ مجھ سے، وُہی اِنتقام کس کا تھا؟
دھُواں تھا دِل میں، مَگر روشنی سی باقی تھی،
جَلا جو خواب، وُہی احتشام کس کا تھا؟
جو زِندگی کو بِکھرنے سے روک لیتا تھا،
وہ حَرف، وہ دُعا، وہ کَلام کس کا تھا؟
سُنے بغیر جو خاموش ہو گیا مظہرؔ،
وہ آخری سا دِل آشوب جام کس کا تھا؟
نَظر میں عَکس رہا، دِل میں چُپ سا طُوفاں تھا،
یہ بے قَراری، یہ وَجد و قیام کس کا تھا؟
جو دَستِ غیر سے خط بھی ملا تو حَیرت تھی،
بِکھرتے حَرف میں وہ اِحترام کس کا تھا؟
کہیں سے آئی صَدا، اور سَب لَرز سے گئے،
یہ کَیف، یہ اَثر، یہ پَیام کس کا تھا؟
تُمہیں جو کہتے ہیں مظہرؔ وَفا سے دُور ہوا،
بَتاؤ ان کو، وُہی تو غُلام کس کا تھا؟
MAZHAR IQBAL GONDAL
Popular Poetries
View More Poetries
Famous Poets
View More Poets