کم کہاں اپنی شان رکھتے ہیں

کم کہاں اپنی شان رکھتے ہیں
ہر ارادہ چٹان رکھتے ہیں

میں بھی اُنکا خیال کرتا ہوں
اور وہ میرا مان رکھتے ہیں

کوئی مہمان آنے والا ہے
کسطرح وہ گمان رکھتے ہیں

بولنا جانتے ہیں ہم بھی میاں
منہ میں ہم بھی زبان رکھتے ہیں

بچ کے رہتے ہیں غم کی دھوپ سے ہم
ہم گھنا سائبان رکھتے ہیں

پیٹ خالی کوئی نہ سو جائے
لوگ یہ کب دھیان رکھتے ہیں

وہ ہمیں بولتے ہیں ہم شوبی
سُنتے رہتے ہیں کان رکھتے ہیں

بھول جایئں نہ راستہ شوبی
واپسی کا نشان رکھتے ہیں