کھلیں گے پھول تیری یاد مجھ کو آئے گی (گیت حصہ اول۔۔ لڑکی)
Poet: Dr.Zahid Sheikh By: Dr.Zahid Sheikh, Lahore Pakistanکھلیں گے پھول تری یاد مجھ کو آئے گی
بہار آکے مرا دل بہت جلائے گی
اداسیوں کا سماں ہو گا تیرے بعد صنم
بھلا سکوں گی بھلا کیسے تیرے پیار کا غم
یہ زندگی نہ کبھی پھر سے مسکرائے گی
بہار آکے مرا دل بہت جلائے گی
کھلیں گے پھول تری یاد مجھ کو آئے گی
فلک پہ چھائیں گے ٹھنڈی ہوا لیے بادل
مگر میں روؤں گی تیرے لیے یہاں پل پل
گھٹا برس کے مجھے اور بھی رلائے گی
بہار آکے مرا دل بہت جلائے گی
کھلیں گے پھول تری یاد مجھ کو آئے گی
مجھے یوں بانہوں بھر لینا یاد آئے گا
یہ تیرا پیار جتانا نہ بھول پائے گا
ترے بدن کی مہک ہر گھڑی ستائے گی
بہار آ کے مرا دل بہت جلائے گی
کھلیں گے پھول تری یاد مجھ کو آئے گی
بہار آ کے مرا دل بہت جلائے گی
Rate it: 
Views: 2212
16 Jul, 2014
More Love / Romantic Poetry
