Add Poetry

کھلے ہیں پھول تیری یاد مجھ کو آنے لگی

Poet: Dr.Zahid sheikh By: Dr.Zahid Sheikh, Lahore Pakistan

کھلے ہیں پھول تری یاد مجھ کو آنے لگی
عجب اداسی مرے دل پہ آج چھانے لگی

یہ دل بہلتا نہیں تیرے بن بہاروں میں
میں ڈھونڈتا ہوں تجھے ان حسیں نظاروں میں

مری نگاہوں سے کیوں خود کو چھپانے لگی
عجب اداسی مرے دل پہ آج چھانے لگی

کھلے ہیں پھول تری یاد مجھ کو آنے لگی

حسین پیروں کی خاطر یہ پھول لایا ہوں
نجانے کتنی تمنائیں لے کے آیا ہوں

تری جدائی مرا ضبط آزمانے لگی
عجب اداسی مرے دل پہ آج چھانے لگی

کھلے ہیں پھول تری یاد مجھ کو آنے لگی

ہنسی کو بھول گئے،اپنا حسن کھونے لگے
اداس تیرے لیے یہ گلاب ہونے لگے

گھٹا بھی تیرے لیے اشک اب بہانے لگی
عجب اداسی مرے دل پہ آج چھانے لگی

کھلے ہیں پھول تری یاد مجھ کو آنے لگی
عجب اداسی مرے دل پہ آج چھانے لگی

Rate it:
Views: 1399
14 Jul, 2014
Related Tags on Love / Romantic Poetry
Load More Tags
More Love / Romantic Poetry
تُمہاری یاد میں دِل کا نِظام کس کا تھا تُمہاری یاد میں دِل کا نِظام کس کا تھا؟
یہ اِضطراب، یہ شوقِ دَوام کس کا تھا؟
جو بے نَقاب ہوا خواب میں، بتایا نہیں،
یہ حُسن، یہ نگہِ خوش کَلام کس کا تھا؟
سَکوتِ شَب میں جو دِل کو جَلا گیا آخر،
چَراغ کون تھا، شُعلۂ خام کس کا تھا؟
تُمہارے بعد جو تَنہائی کا سَفر گُزرا،
ہر ایک موڑ پہ سایہ، سَلام کس کا تھا؟
جو لَب ہِلے نہ کبھی، اَشک بَن کے بَہتا رہا،
وہ غَم تُمہارا تھا یا میرا نام کس کا تھا؟
جو زَخم دے کے بھی چُپ تھا، وہ شَخص کیسا تھا؟
نہ پُوچھ مجھ سے، وُہی اِنتقام کس کا تھا؟
دھُواں تھا دِل میں، مَگر روشنی سی باقی تھی،
جَلا جو خواب، وُہی احتشام کس کا تھا؟
جو زِندگی کو بِکھرنے سے روک لیتا تھا،
وہ حَرف، وہ دُعا، وہ کَلام کس کا تھا؟
سُنے بغیر جو خاموش ہو گیا مظہرؔ،
وہ آخری سا دِل آشوب جام کس کا تھا؟
نَظر میں عَکس رہا، دِل میں چُپ سا طُوفاں تھا،
یہ بے قَراری، یہ وَجد و قیام کس کا تھا؟
جو دَستِ غیر سے خط بھی ملا تو حَیرت تھی،
بِکھرتے حَرف میں وہ اِحترام کس کا تھا؟
کہیں سے آئی صَدا، اور سَب لَرز سے گئے،
یہ کَیف، یہ اَثر، یہ پَیام کس کا تھا؟
تُمہیں جو کہتے ہیں مظہرؔ وَفا سے دُور ہوا،
بَتاؤ ان کو، وُہی تو غُلام کس کا تھا؟
MAZHAR IQBAL GONDAL
Popular Poetries
View More Poetries
Famous Poets
View More Poets