کہاں ہیں وعدے ،کہاں اب وفا تمھاری ہے (دو گانا)
Poet: Dr.Zahid Sheikh By: Dr.Zahid Sheikh, Lahore Pakistanلڑکا
۔۔۔۔۔۔۔۔۔
کہاں ہیں وعدے ، کہاں اب وفا تمھاری ہے
بجھا بجھا سا ہے دل اور بے قراری ہے
ملی ہے پیار کے بدلے میں مجھ کو رسوائی
ہے زندگی میں مری آج کتنی تنہائی
ہر ایک لمحہ سسکتا ہوں ، آہیں بھرتا ہوں
تمھارے پیار کی کتنی کڑی سزا پائی
مگر ابھی بھی وفاؤں کی پاس داری ہے
بجھا بجھا سا ہے دل اور بے قراری ہے
لڑکی
۔۔۔۔۔۔۔۔۔۔۔۔۔۔۔
یہ دل تمھارا ہے یہ جان بھی تمھاری ہے
مگر ہیں پہرے کڑے خوف مجھ پہ طاری ہے
میں چاہ کر بھی تمھیں ملنے آ نہیں سکتی
تمھیں وفاؤں کا نغمہ سنا نہیں سکتی
یقین کیسے دلاؤں میں اپنی چاہت کا
کہ دل بھی چیر کے اپنا دکھا نہیں سکتی
ستم زمانے کا ہر آن مجھ پہ جاری ہے
یہ دل تمھارا ہے اور جان بھی تمھاری ہے
لڑکا
۔۔۔۔۔۔۔۔۔۔
کہاں ہیں وعدے ، کہاں اب وفا تمھاری ہے
بجھا بجھا سا ہے دل اور بے قراری ہے
لڑکی
۔۔۔۔۔۔۔۔۔
یہ دل تمھارا ہے یہ جان بھی تمھاری ہے
مگر ہیں پہرے کڑے خوف مجھ پہ طاری ہے
کہ
دل کو نہیں قبول کوئی بھی صدا، بنا تیرے
خوابوں کی روشنی بھی لگتی ہے بے اثر
آنکھوں میں جو اترتا تھا وہ تھا، بنا تیرے
تنہائی میرے ساتھ اب رہنے لگی ہے یوں
جیسے کوئی رشتہ ہو گیا ہو بنا تیرے
لَمسِ ہوا میں بھی وہ حرارت نہیں رہی
جس میں کبھی مہکتا تھا دل کا دِیا، بنا تیرے
سُنسان ہر گلی ہے، اُدھورا ہے ہر سفر
پایا نہیں سکون کا راستا، بنا تیرے
ذکرِ وفا ہو یا کوئی وعدہءِ دیرپا
سب کچھ ہے میرے سامنے، کیا ہے بنا تیرے؟
اب بھی کبھی کبھی یہ سوال کرتا ہوں
مظہر، کچھ بھی رہ گیا ہے میرا تیرے بنا؟
تمہیں کھو کے جینا بہت دشوار ہے اب
کبھی تم تھے سب کچھ، مکمل تھا
جو باقی ہے وہ صرف انکار ہے اب
تیرے وعدوں میں جو خواب سمٹے تھے
وہی ٹوٹے خوابوں کا بازار ہے اب
تمہاری باتیں، تمہارے لہجے کی نرمیاں
بس یاد ہے، اور وہ بھی بیکار ہے اب
کبھی تمہاری وفا پہ تھا ناز بہت
مگر وہ ناز بھی شرمسار ہے اب
کہتا تھا وقت بدل دیتا ہے سب
مگر دل کا رنج تو برقرار ہے اب
تم جو نہیں تو کچھ بھی نہیں ہے
یہ کائنات بھی بے قرار ہے اب
چلے جاؤ مگر لوٹ کر مت آنا
تمہارا ہر وعدہ فقط خمار ہے اب
جو نقش تھا دل پہ محبت کی طرح
وہیں یاد کا اک دھندلا سا غبار ہے اب
خاموش لمحوں کی صدا ہوں شاید
سناٹے میں کچھ سرشار ہے اب
تم اور یہ تمہاری وفا کی باتیں' سائر'
بس کرو ایسی گفتار سے دل بیزار ہے اب
