گردش ِ دوراں سے میری جاں

گردش ِدوراں سے میری جاں، پریشاں نہ ہوا کیجیے
زندگی ہوتی نہیں ہےآساں ، پریشاں نہ ہوا کیجیے

کچھ لمحے ہی جی لینے دیں اس بزم ِجہاں میں
چند گھڑیوں کے ہیں مہماں، پریشاں نہ ہوا کیجیے

محض کہہ دینے سےہی یادیں نہیں مٹتی دل سے
یہ بات ہے خارج از امکاں، پریشاں نہ ہوا کیجیے

اپنی کشتی کو لہروں کے رحم و کرم پہ چھوڑ دیا
کرلے جو کرسکتا ہے طوفاں، پریشاں نہ ہوا کیجیے

کون کہتا ہے کہ تھم جاتی ہے کسی کے جانے پہ
زندگی تو رہہتی ہے رواں، پریشاں نہ ہوا کیجیے

در ایک بند ہوا، تو کیا ہے سو کُھل بھی گئے ہیں
وقت بھی ہوجائے گا مہرباں،پریشاں نہ ہوا کیجیے

خدا کی دھرتی بہت وسیع ہے یہ بد گمانی کیسی
کہیں تو مل جائے گا سائباں،پریشاں نہ ہوا کیجیے

دل ہے تو درد بھی ہوگا ، آنکھ ہے تو آنسو بھی
یونہی چلتا رہے گا کارواں، پریشاں نہ ہوا کیجیے

خودی کو عشق میں اِس درجہ فنا کردوں گا رضا
مٹ جائے گا میرا نام و نشاں، پریشاں نہ ہوا کیجیے