ہمیں یاد کرنا

فوٹو کی پرستش میں کوئی نیر جب بہائے ہمیں یاد کرنا
اظہار محبت کرنے سے جب کوئی شرمائے ہمیں یاد کرنا

نظر رکھنا آنگن میں لگے رنگ برنگے پُھولوں پر
بے چین بھنورا کوئی سجدے میں گر جائے تو ہمیں یاد کرنا

ہم مشتاق دید ہیں، کل عید ہے، ہمارے گھر ضرور آنا
بات یہی کوئی دو چار بار جب دھرائے ہمیں یاد کرنا

مانا کہ گزرے برس کی کچھ بھی باتیں تُجھے یاد نہیں...
مگر سرگوشی سے کوئی سحری کو جب اٹھائے ہمیں یاد کرنا

ہم مجبور نہیں کرتے صرف اتنا کہتے ہیں اے جانِ زیب
دیکھ کر ہلال عید کوئی گلے جب لگ جائے ہمیں یاد کرنا