ہواوں پر تمہارا انگلیوں سے نام لکھتے ہیں
Poet: وشمہ خان وشمہ By: وشمہ خان وشمہ, Moscowہواوں پر تمہارا انگلیوں سے نام لکھتے ہیں
کبھی اڑتے ہوئے پتوں پہ کچھ پیغام لکھتے ہیں
تمہاری چاہتوں کے نام سے صبحیں بلاتے ہیں
قصیدے بھی تمہارے حسن کے ہر شام لکھتے ہیں
ادائے بے نیازی سے تمہارا پوچھنا ہم سے
خطوط اتنے جنابِ من یہ کس کے نام لکھتے ہیں
کبھی فرہاد کہتے ہیں تمہاری جراتوں پر ہم
کبھی خط میں تمہیں رانجھا، کبھی گلفام لکھتے ہیں
Rate it: 
Views: 530
03 Dec, 2013
More Love / Romantic Poetry
