امریکی کمپنی کا پاکستان میں میڈیکل آلات کا مینوفیکچرنگ یونٹ لگانے کا اعلان

امریکن بائیو میڈیکل انجینئرنگ کمپنی فیڈمک کے اکنامک زون میں بائیو میڈیکل آلات کی مینوفیکچرنگ کا یونٹ لگائے گی۔

تفصیلات کے مطابق یہ پاکستان میں بائیو میڈیکل آلات کی مینوفیکچرنگ کا پہلا یونٹ ہو گا۔ اس سلسلے میں کمپنی کے ڈائریکٹر ڈاکٹر عثمان مصطفٰی نے گزشتہ روز فیصل آباد انڈسٹریل اسٹیٹ ڈویلپمنٹ اینڈ مینجمنٹ کمپنی (فیڈمک) کے چیئرمین میاں کاشف اشفاق سے ملاقات کی اور ان کے ہمراہ ایم تھری انڈسٹریل سٹی اور سی پیک کے تحت بننے والے ترجیحی اکنامک زون علامہ اقبال انڈسٹریل سٹی کا دورہ کیا۔

انہوں نے کہا کہ ابتدائی طور پر اس مینوفیکچرنگ یونٹ میں امراض قلب کے علاج یا آپریشن میں استعمال ہونے والی بائیو میڈیکل پروڈکٹس اور ڈسپوزل ایبل تیار کئے جائیں گے جو بیرون ملک سے درآمد کی جاتی ہیں جبکہ اگلے مرحلے میں یہاں دل کے علاج میں استعمال ہونیوالے “سٹنٹس” اور دیگر جدید طبی سامان تیار کیا جائے گا جس سے ناصرف پاکستان میں علاج سستا ہو گا بلکہ اس طبی سامان کی برآمد سے پاکستان کو کثیر زرمبادلہ بھی حاصل ہو گا۔

ڈاکٹر عثمان کے مطابق یہاں ایک ریسرچ سینٹر بھی بنایا جائے گا جس سے پاکستان کے لئے اس شعبے میں ترقی کے نئے راستے کھلیں گے۔چیئرمین فیڈمک نے کہا کہ اس مینوفیکچرنگ یونٹ کے لئے فیڈمک کی طرف سے مفت زمین فراہم کی جائے گی  تاکہ پاکستان میں بائیو میڈیکل انجینئرنگ کے شعبے کی بنیاد ڈال کر سیکٹر ڈویلپمنٹ کا آغاز کیا جا سکے۔

انہوں نے کہا کہ آنے والے وقت میں دنیا بھر سے مزید سرمایہ کار فیڈمک کے صنعتی زونز میں سرمایہ کاری کریں گے تاکہ وزیراعظم عمران خان کے ویژن پر عمل کرتے ہوئے پاکستان میں انڈسٹریلزیشن کو فروغ دیا جا سکے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.