اسٹیڈیم روڈ ٹریفک کےلئے بند، شہریوں کو شدید مشکلات

کراچی: اسٹیڈیم روڈ ٹریفک کےلئے بند کردیا گیا، جس کے باعث شہریوں کو شدید مشکلات کا سامنا کر نا پڑ رہاہے۔

 ترجمان ٹریفک پولیس کے مطابق نیشنل اسٹیڈیم میں قومی کرکٹ ٹیم کی پریکٹس کا آغاز ہو گیا ہے۔ سیکیورٹی کے پیش نظر حسن اسکوائر سے اسٹیڈیم جانے والی سڑک کو ٹریفک کیلیے بند کر دیاگیا ہے۔

  ترجمان ٹریفک پولیس کا مزید کہنا ہے کہ حسن اسکوائر سے نیشنل اسٹیڈیم جانے والے ٹریفک کو پرانی سبزی منڈی کی جانب بھیجا جارہاہے۔

ذرائع کے مطابق سر شاہ محمد سلیمان روڈ کا ٹریفک حسن اسکوائر فلائی اوور سے پرانی سبزی منڈی کی جانب موڑ دیا گیا ہے۔

نیپا سے حسن اسکوائر آنے والے ٹریک پر گاڑیوں کی لمبی قطاریں لگ گئی ، جبکہ ٹریفک انتہائی سست رفتاری سے آگے بڑھ رہا ہے۔

واضح رہےکہ اسٹیڈیم جانے والا راستہ دن 11.30 بجے بند کرنے کا اعلان کیا گیا تھا، اسٹیڈیم روڈ 30 جنوری تک انہی اوقات میں بند رہے گا۔

-->

 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

26