پشاور: پشاور یونیورسٹی میں انتظامیہ کی جانب سے طلبہ و طالبات کے لیے ڈریس کوڈ متعارف کرا دیا گیا ہے۔
ہم نیوز کے مطابق انتظامیہ کی جانب سے متعارف کرائے گئے ڈریس کوڈ کے تحت طالبات کو شلوار قمیض کے علاوہ کوئی دوسرا لباس زیب تن کرنے کی اجازت نہیں ہو گی۔
پشاور یونیورسٹی کی جانب سے اس ضمن میں جاری کردہ اعلامیے کے تحت طالبات اپنے پسندیدہ رنگ کی قمیض کے ساتھ سفید شلوار پہنیں گی لیکن ان کے لیے لازمی ہو گا کہ قمیض کے اوپر سفید رنگ کا لیب کورٹ یا چیسٹ کارڈ پہنیں۔
ہم نیوز کے مطابق انتظامیہ کی جانب سے طلبا کو پابند کیا گیا ہے کہ وہ سادہ اور مہذب لباس کے ساتھ چیسٹ کارڈ پہنیں۔
