دی بِگ بُل: ’مجھے ابھیشیک بچن پر فخر ہے‘

بالی وڈ اداکار ابھیشیک بچن کی چند روز قبل ریلیز ہونے والی فلم ’دی بگ بُل‘ کو جہاں مختلف قسم کی آرا کا سامنا کرنا پڑا، وہیں ایسا لگتا ہے کہ لوگ گھر بیٹھ کر یہ فلم دیکھ رہے ہیں۔

فلم 1990 اور 2000 کے درمیان پیش آنے والے معاشی بحران سے جڑے ایک حقیقی واقعے سے ماخوذ ہے جس کا تعلق سٹاک مارکیٹ میں ہرشد مہتہ اور ان کے مالیاتی جرائم سے ہے۔

فلم کے منظر عام پر آتے ہی سماجی رابطوں کی ویب سائٹس کے علاوہ مداحوں کی بھی توجہ حاصل کرنے میں کافی حد تک کامیاب رہی ہے۔

فلم کی ریلیز کے بعد بگ بی امیتابھ بچن نے اپنے بیٹے ابھیشیک بچن کو اس کی کامیابی پر مبارکباد پیش کی اور کہا کہ ’مجھے اپنے بیٹے پر فخر ہے۔‘

سٹریمنگ پلیٹ فارم نے فلم ’دی بگ بل‘ کو ڈزنی اور ہاٹ سٹار پر سال کے سب سے بڑے اوپنر کے طور پر پیش کرنے کا اعلان بھی کیا ہے۔

سماجی رابطوں کی ویب سائٹ ٹوئٹر پر اداکار ابھیشیک بچن کے والد امیتابھ بچن نے لکھا کہ ’شاباش میرے بیٹے، مجھے تمہاری کامیابی پر فخر ہے، ویسے بھی جب آپ کا بیٹا آپ کے جوتے پہننے لگے تو وہ بیٹا نہیں رہتا آپ کا دوست بن جاتا ہے۔‘

T 3876 -Amitabh Bachchan

WHTCTW .. well done buddy .. pride of a Father .. when the Son starts wearing your shoes then he is no longer your son .. he is your friend .. so well done buddy !! ❤️❤️❤️❤️❤️ . .. PKRD pic.twitter.com/VYuDUegJ8w

— Amitabh Bachchan (@SrBachchan) April 15, 2021

انڈین ایکسپریس میں شبھرا گھپتا نے فلم کو 1.5 سٹارز دیے ہیں اور فلم کو میلو ڈرامہ کا بہترین مکس قرار دیا ہے۔

سوشل میڈیا صارفین بھی فلم پر ملے جلے ردعمل کا اظہار کر رہے ہیں۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

199