پاکستان میں زیر تعلیم افغان طلباء طورخم سےواپس آسکتے ہیں،پاکستانی حکام

image

فوٹو: اے ایف پی

پاکستانی حکام نے پاکستان میں زیرتعلیم ایسے افغان طلباء کو جو ان دنوں افغانستان میں ہیں پاکستان آنے کی اجازت دے دی۔

یہ فیصلہ پاکستانی وزارت داخلہ نے وزارت خارجہ کی سفارش پر افغانستان میں پھنسے ایسے طلباء کو تعلیم کے حرج سے بچانے کے لیے کیا۔ ایسے طلباء کو طورخم سرحد کے راستے پاکستان میں داخل ہونے کی اجازت ہوگی۔

افغانستان میں پاکستانی سفیر منصور احمد خان نے اپنے ٹویٹر اکاؤنٹ پر لکھا کہ پاکستانی یونیورسٹیوں میں داخلے اور اسٹوڈنٹ ویزا کے حامل 938 افغانی طلباء کو پاکستان جانے اور اپنے مذکورہ تعلیمی اداروں میں پڑھائی جاری رکھنے کی اجازت دے دی گئی ہے۔

علاوہ ازیں افغانستان میں پاکستان کے نمائندہ خصوصی محمد صادق نے بھی اپنے ٹویٹر پیغام میں لکھا کہ یہ افغان طلباء بذریعہ روڈ طورخم سرحد کے راستے پاکستان میں داخل ہوسکتے ہیں۔

محمد صادق کا کہنا تھا کہ ہم ان طلباء کے روشن مستقبل کے خواہشمند ہیں اور امید کرتے ہیں کہ یہ طلباء تعلیم مکمل کرنے کے بعد اپنے ملک کے خدمت کریں گے۔


News Source   News Source Text

WATCH LIVE NEWS

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.