تجارت میں اضافے سے ملکی معیشت مضبوط ہوگی، چوہدری پرویزالہٰی

image

اسپیکر پنجاب اسمبلی چوہدری پرویزالہٰی کا کہنا ہے کہ تجارت میں اضافے سے ملکی معیشت مضبوط ہوگی۔

تفصیلات کے مطابق اسپیکر پنجاب اسمبلی چوہدری پرویزالہٰی سے تھائی لینڈ کے سفیر چکرید کراچنی وانگ کی وفد کے ہمراہ گورنر ہاؤس میں ملاقات ہوئی جس میں دوطرفہ تعلقات کو فروغ دینے اور باہمی دلچسپی کے امور پر تبادلہ خیال کیا گیا۔

چوہدری پرویزالہٰی نے کہا کہ پاکستان اور تھائی لینڈ کے درمیان دیرینہ مضبوط سیاسی اور معاشی تعلقات ہیں، رابطہ عوام کے فروغ سے دونوں ممالک کے درمیان تعلقات مزید مستحکم ہوں گے۔

انہوں نے کہا کہ دونوں ممالک کے درمیان مابین کاروباری روابط کو مزید فروغ دینے کی ضرورت ہے، تجارت میں اضافے سے ملکی معیشت مضبوط ہوگی۔

اسپیکر پنجاب اسمبلی چوہدری پرویزالہٰی نے مزید کہا کہ پاکستان میں غیرملکی سرمایہ کاروں کی سہولت کیلئے اسپیشل اکنامکس زونز بنائے جارہے ہیں۔

دوسری جانب تھائی لینڈ کے سفیر چکرید کراچنی وانگ نے کہا کہ پاکستانیوں کی مہمان نوازی اور کلچر نے بہت متاثر کیا، تھائی کمپنیاں پاکستان میں زرعی اور فوڈ پروڈکٹس میں سرمایہ کاری کی خواہشمند ہیں۔

تھائی لینڈ کے سفیر چکرید کراچنی وانگ نے مزید کہا کہ تھائی لینڈ کی حکومت ٹیکسلا میوزیم میں بدھا کی باقیات کو محفوظ کرنے کی منصوبے پر کام کر رہی ہے۔

Adsence 300X250


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.