افغانستان اور یواے ای کے درمیان پروازیں آج سے شروع ہوں گی

image

افغانستان کی ایک نجی ایئرلائن کام ایئر  لائن بدھ سے کابل اور متحدہ عرب امارات کے درمیان پروازوں کا آغاز کرے گی۔

دبئی میں افغان قونصل خانے نے اپنے فیس بک پیج پر لکھا کہ اس نے بہت کوششوں کے بعد پروازیں دوبارہ شروع کرنے کی راہ ہموار کی ہے۔

افغان میڈیا کے مطابق یہ مذاکرات افغان قونصل جنرل مسعود احمد عزیزی اور کام ایئر کے ڈائریکٹر تیمور شاہ کے درمیان ہوئے۔

حکام کے مطابق پہلے مرحلے میں ان لوگوں کے جسد خاکی کو ترجیح دی جائے گی جو حالیہ دنوں میں متحدہ عرب امارات میں فوت ہوئے ہیں۔

خیال رہے کہ افغانستان اور دیگر ممالک کے مابین تمام تمام مسافر بردار پروازیں تعطل کا شکار ہیں۔

افغان سول ایوی ایشن حکام کا کہنا ہے کہ ملک میں حالیہ تبدیلیوں کے بعد  کابل ایئر پورٹ اب ہر قسم کی پروازوں کے لیے تیار ہے۔ لیکن تاحال کابل ایئرپورٹ کو صرف بین الاقومی امداد پہنچانے کے لیے استعمال کیا جارہا ہے۔

واضح رہے کہ 14 اکتوبر کو پاکستان انٹرنیشنل ایئرلائنز نے کابل کے لیے اپنا آپریشن معطل کردیا تھا۔

ترجمان پی آئی اے کے مطابق بین الاقوامی افواج کے کابل سے انخلاء کے بعد مشکل حالات میں فلائٹ آپریشن جاری رکھا اور تقریباً 3 ہزار افراد کو افغانستان سے انخلاء میں مدد دی گئی تاہم اب طالبان حکومت کے غیر پیشہ ورانہ رویے کے باعث آپریشن تا حکم ثانی بند رہے گا۔

خیال رہے کہ طالبان کے افغان حکومت کے انتظامات سنبھالنے کے بعد سے پی آئی اے دنیا کی واحد ایئرلائن ہے جس نے افغانستان کے لیے آپریشن جاری رکھا ہوا تھا۔


News Source   News Source Text

WATCH LIVE NEWS

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.