خاتون کے پاؤں میں کیل چبھنے پر شاپنگ مال کو تقریباً ڈیڑھ ارب کا ہرجانہ

image

عدالت نے شاپنگ مال انتظامیہ کو خاتون کے پیر میں کیل چبھنے پر 10 ملین ڈالر ہرجانہ ادا کرنے کا حکم دیا ہے۔

غیر ملکی خبررساں ادارے کے مطابق امریکی خاتون اپریل جونز نے اٹلی کی عدالت میں مقدمہ درج کروایا جس میں انہوں نے موقف اختیار کیا کہ وہ 2015 میں ایک نجی شاپنگ مال میں کچھ چیزیں خرید رہی تھیں اور اس دوران ان کے پیر میں کچھ چبھن محسوس ہوئی تو انہوں نے دیکھا ایک زنگ آلود کیل ان کے پاؤں میں موجود تھی۔

درخواست گزار نے عدالت کو بتایا کہ کیل لگنے کی وجہ سے پیر میں شدید انفیکشن ہوا جس کے لیے متعدد بار سرجریاں بھی کی گئیں اور شروعات میں کہا گیا کہ پیر کاٹنا پڑے گا اور پھر ایسا نہ کرنے کی وجہ سے پورا پاؤں کاٹنا پڑگیا۔

دوران سماعت اپریل جونز کے وکیل نے عدالت کو بتایا کہ اس واقعہ کے بعد خاتون کی زندگی بدتر ہوگئی اور وہ گزشتہ 6 سال سے وہیل چیئر پر چل رہی ہیں لہذا میں عدالت سے درخواست کرتا ہوں کہ میرے موکل کو ہرجانہ دلوایا جائے۔

عدالت نے دونوں فریقین کے دلائل سننے کے بعد نجی شاپنگ مال انتظامیہ کو خاتون کو 10 ملین ڈالر یعنی (ایک ارب 40 کروڑ پاکستانی روپے) ہرجانہ ادا کرنے کا حکم دے دیا۔

نجی شاپنگ مال کے ترجمان نے عدالتی حکم پر ردعمل دیتے ہوئے کہا کہ سماعت کے دوران یہ بات کہیں بھی ثابت نہیں ہوئی کہ خاتون کا پیر ہماری کسی غلطی کی وجہ سے کٹا تھا۔

دوسری جانب خاتون کے وکیل کا کہنا تھا کہ میری موکل ان پیسوں سے اپنی زندگی کو آرام دہ بنانے کی ہرممکن کوشش کرے گی اور اب وہ ایک مصنوعی ٹانگ بھی لگواسکے گی۔

Square Adsence 300X250


News Source   News Source Text

WATCH LIVE NEWS

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.