سانحہ سیالکوٹ: مقتول سری لنکن شہری کی پوسٹ مارٹم رپورٹ میں دل دہلا دینے والے انکشافات

image

سانحہ سیالکوٹ میں قتل کیے جانے والے سری لنکن شہری کی پوسٹ مارٹم رپورٹ منظر عام پر آگئی ہے۔

پوسٹ مارٹم رپورٹ میں سر کی ہڈی ٹوٹنے اور دماغ باہر آنے کی تصدیق کی گئی ہے، جبکہ مقتول کے جسم کا 99 فیصد حصہ مکمل طور پر جل چکا ہے۔

پوسٹ مارٹم رپورٹ میں بتایا گیا کہ پرانتھا کی موت دماغ ڈیمج ہونے کی وجہ سے ہوئی۔

رپورٹ کے مطابق مقتول کے بازو اور کولہے سمیت تمام ہڈیاں ٹوٹ چکی تھیں، پرانتھا کا صرف ایک پاوں ٹھیک تھا باقی پورے جسم میں ایک بھی ہڈی سلامت نہیں بچی۔

دوسری جانب وزیر اعلیٰ پنجاب سردار عثمان بزدار کو سیالکوٹ واقعے کی ابتدائی رپورٹ پیش کردی گئی ہے۔

ابتدائی رپورٹ میں بتایا گیا ہے کہ واقعے میں ملوث 120 سے زائد افراد کو گرفتار کرلیا گیا ہے، جبکہ دیگر ملوث افراد کی فوٹیج کی مدد سے شناخت کا عمل جاری ہے۔

وزیراعلیٰ پنجاب نے ہدایت کی کہ واقعے میں ملوث دیگر ملزمان کو جلد قانون کی گرفت میں لایا جائے اور قانونی تقاضے پورے کرتے ہوئے چالان جلد عدالت میں پیش کیا جائے۔

سردراز عثمان بزدار نے کہا کہ ملزمان نے غیرانسانی فعل کا ارتکاب کیا، ملزمان قرار واقعی سزا سے نہیں بچ پائیں گے۔ اس واقعہ کے حوالے سے ہونے والی پیشرفت کا خود جائزہ لے رہا ہوں۔

Square Adsence 300X250


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.