ون ڈے ٹورنامنٹ، سدرن پنجاب اور سندھ وائٹس نے اپنے اپنے میچز جیت لیے

image

ملتان میں جاری نیشنل انڈر 16 ون ڈے ٹورنامنٹ میں سدرن پنجاب، خیبرپختونخوا اور سندھ وائٹس نے اپنے اپنے میچز جیت لیے ہیں۔

ہیڈ محمد واللہ اسٹیڈیم ملتان میں کھیلے گئے میچ میں سندھ وائٹس نے بلوچستان وائٹس کو دس وکٹوں سے ہرادیا۔

 فاتح ٹیم نے 121 رنز کا ہدف 14.2 اوورز میں بغیر کسی وکٹ کے نقصان پر حاصل کرلیا، ہارون ارشد 61 اور شہزاد خان 50 رنز بناکر ناٹ آٹ رہے۔

اس سے قبل بلوچستان وائٹس کی پوری ٹیم 120 رنز پر ڈھیر ہوگئی،مزمل علی 50 اور سراج احمد 36 رنز بناکر نمایاں رہے۔

شاہ زیب علی، واجد احمد اور شیراز خان نے تین تین وکٹیں حاصل کیں۔

ادھر زواری اکیڈمی ملتان  میں کھیلے گئے میچ میں سدرن پنجاب وائٹس نے سینٹرل پنجاب وائٹس کو 81 رنز سے ہرادیا۔

150 رنز کے تعاقب میں سینٹرل پنجاب وائٹس کی پوری ٹیم 68 رنز پر ڈھیر ہوگئی۔

 عبدالرسول اور بلال خان نے تین تین وکٹیں حاصل کیں،شاہاز سعید نے دو وکٹیں حاصل کیں۔

سدرن پنجاب وائٹس کی ٹیم نے پہلے کھیلتے ہوئے37.5 اوورز میں  149 رنز بنائے۔ اوپنر علی حسنین بادشاہ نے 68 رنز بنائے، رانا حسیب 27 اور حسیب احمد 21 رنز بناکر آٹ ہوئے۔

دانش سعید نے 5 جبکہ علی حسن نے 2 وکٹیں حاصل کیں۔

دوسری جانب ملتان اسٹیڈیم  میں کھیلے گئے میچ میں خیبرپختونخوا وائٹس نے ناردرن وائٹس کو 106 رنزسے شکست دے دی۔

 250 رنز کے تعاقب میں ناردرن وائٹس کی پوری ٹیم 143 رنز پر آٹ  ہوگئی، شاہ میر نثار 29 اور حسنین ندیم 28 رنز بناکرآٹ ہوئے۔

محمد ہارون نے تین جبکہ نوید الحسن اور عادل وحیدنے 2، 2  وکٹیں حاصل کیں۔

 خیبرپختونخوا وائٹس کی ٹیم نے پہلے بیٹنگ کرتے ہوئے مقررہ 45 اوورز میں 4 وکٹوں کے نقصان پر 249 رنز بنائے، اوپنر محمد شایان نے 77، ریاض اللہ نے 70 اور محمد ذبیر نے ناٹ  آؤٹ 62 رنز بنائے۔

Square Adsence 300X250


News Source   News Source Text

WATCH LIVE NEWS

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.