’بچہ لوگ گیم شو‘ کیا ہے اور اس میں کس طرح حصہ لیا جاسکتا ہے؟

image
پاکستان کے نامور اداکار احمد علی بٹ بول انٹرٹینمنٹ پر بچوں کے لیے پاکستانی تاریخ کا پہلا اور سب سے بڑا پروگرام ’بچہ لوگ گیم شو‘ کی میزبانی کریں گے۔

پاکستان کے نمبر ون انٹرٹینمنٹ چینل ’بول انٹرٹینمنٹ‘  کا شمار اپنے منفرد پروگرامز کی وجہ سے صارفین کے پسندیدہ چینلز میں ہوتا ہے جس نے پاکستان کے نامور اداکار وکامیڈین احمد علی بٹ کی میزبانی میں بچوں کیلیے ’’بچہ لوگ گیم شو‘‘ لانے کا اعلان کردیا۔

بول انٹرٹینمنٹ کو اس سے پہلے بھی پاکستان کے مقبول ترین گیم شوز اور دیگر پروگرامز چلانے کا اعزاز حاصل رہا ہے جس میں ’خوش رہو پاکستان‘ ’گیم شو ایسے چلے گا‘ اور ’بول ہاؤس‘ وغیر شامل ہیں۔

یہ بھی پڑھٰیں؛ احمد علی بٹ بول کے پروگرام ’بچہ لوگ گیم شو‘ میں کیا دھماکہ کرنے والے ہیں ؟

اس بار بھی بول انٹرٹینمنٹ صارفین کی دلچسپی کو مدنظر رکھتے ہوئے ایک منفرد پروگرام لے کر آرہا ہے جس میں بچوں کو شرکت کرنے کا موقع ملے گا اور یہ پروگرام بہت جلد آن ایئر ہونے والا ہے۔

بول نیٹ ورک کے آفیشل یوٹیوب چینل پر پروگرام ’بچہ لوگ گیم شو‘ کے ٹیزر بھی جاری کیے ہیں جس سے سوشل میڈیا صارفین کی دلچسپی اور تجسس عروج پر پہنچ گیا ہے اور وہ بے صبری سے اس پروگرام کا انتظار کررہے ہیں۔

بول انٹرٹینمنٹ کی جانب سے جاری کیے گئے پروگرام ’بچہ لوگ گیم شو‘ کے پرومو میں صرف بچوں کو کھیلتے اور اچھلتے کودتے ہوئے دکھایا گیا ہے تاہم پروگرام کس نوعیت کا ہوگا اور اس میں کس قسم کے گیمز شامل ہوں گے ۔ ان سب سوالات کے جوابات کے لیے ناظرین کو ابھی مزید انتظار کرنا ہوگا۔

ایک اور پرومو میں بھی پروگرام کے میزبان اداکار احمد علی بٹ کو کچھ سوچتے ہوئے دکھایا گیا ہے اور پھر وہ کہتے ہیں ’’اپنی گھڑیاں سیٹ کردیں، کیوں کہ میں بہت جلد آرہا ہوں ، بچوں کیساتھ ، تاہم اس ٹیزر سے بھی صارفین کو ان کے سوالات کے جواب نہیں مل سکے اور وہ شدت سے پروگرام کے آغاز کا انتظار کررہے ہیں۔

اس حوالے سے بول انٹرٹینمنٹ کے چاہنے والوں کو آئندہ کچھ روز میں ساری تفصیلات سے آگاہ کیا جائے گا کہ پروگرام کس نوعیت کا ہوگا اور اس میں کون کون سے گیمز شامل ہوں گے جب کہ پروگرام میں عوام کو کس طرح شرکت کرنے کا موقع ملے گا۔

ملکہ ترنم میڈیم نور جہاں کے نواسے اداکار احمد علی بٹ ریو کے تعاون سے بول انٹرٹینمنٹ پر نشر ہونے والے پروگرام ’بچہ لوگ گیم شو‘ میں بچوں کے ساتھ شرارتیں اور خوب موج مستی کرتے ہوئے دکھائی دیں گے۔

اداکار احمد علی بٹ کسی تعارف کے محتاج نہیں اور ان کا شمار پاکستان کے ان چند فنکاروں میں ہوتا ہے جنہوں نے چھوٹی اور بڑی اسکرین کے علاوہ موسیقی کے میدان میں بھی اپنا لوہا منوایا جب کہ پروگرام کی میزبانی میں بھی ان کا کوئی ثانی نہیں۔

ویسے تو احمد علی بٹ کا شمار ملک کے نامور مزاحیہ اداکاروں کی فہرست میں ہوتا ہے لیکن وہ سنجیدہ کردار بھی بخوبی نبھاتے ہیں جب کہ وہ ’ جوانی پھر نہیں آنی‘ اور ’جوانی پھر نہی آنی ٹو‘ جیسی ہٹ فلموں میں بھی اداکاری کے جوہر دکھاچکے ہیں۔

Square Adsence 300X250

News Source   News Source Text

WATCH LIVE NEWS

مزید خبریں
آرٹ اور انٹرٹینمنٹ
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.