علیم خان نے ایک ارب روپیہ پی ٹی آئی پر لگایا تو کمایا بھی ہے، فیاض الحسن چوہان

image

اسلام آباد: پاکستان تحریک انصاف کے رہنما اور سابق صوبائی وزیر فیاض الحسن چوہان نے کہا ہے کہ علیم خان نے ایک ارب روپیہ پی ٹی آئی پر لگایا تو کمایا بھی ہے،  پی ٹی آئی نے کچھ نہیں کرنا، آئین و قانون نے کرنا ہے۔

ہم نیوز کے پروگرام ’پاکستان کا سوال‘ میں میزبان کی جانب سے پوچھے جانے والے سوالات کے جوابات دیتے ہوئے انہوں نے کہا کہ عثمان بزدار کا استعفیٰ نہیں ہوا، ان کا ستعفیٰ قبول کرنا ہی غیر قانونی تھا، پنجاب میں حمزہ شہباز کا الیکشن بھی غیر قانونی تھا۔

فیاض الحسن چوہان نے کہا کہ وزیراعلیٰ کے مخالف امیدوار کو اسمبلی ہال سے نکال دیا تھا، ہم 16 اپریل کی حالت میں کھڑے ہیں، 15 ارکان اسمبلی وفاق اور پنجاب میں ن لیگ کے 20 ارکان نیوٹرل رہیں گے، ان ارکان نے ہم سے رابطہ کر کے نیوٹرل رہنے کا کہا ہے، جلیل شرق پوری بھی انہیں ووٹ نہیں دیں گے۔

ہم نیوز کے پروگرام میں بات چیت کرتے ہوئے پی ٹی آئی رہنما فیاض الحسن چوہان نے کہا کہ چودھری پرویز الہٰی واضح اکثریت سے جیت جائیں گے، قومی اسمبلی میں منحرف ارکان لوٹے بنے ہیں، جن منحرف ارکان نے ووٹ نہیں ڈالا وہ ڈی سیٹ نہیں ہوئے ہیں،  ہم سپریم کورٹ اور ہائیکورٹ کے فیصلوں پر عمل کے پابند ہیں۔


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.