ابھی تو زخم کچھ بولا نہیں ہے

اَبھی سے لگ گئی ہے چُپ سی تم ۔۔کو
اَبھی تو زخم کچھ بولا ۔۔۔۔۔نہیں ہے

ُچنے کیوں جا رہے ہیں۔ اُس کےآنسو
خزانہ تو کوئی رولا ۔۔۔۔۔۔نہیں ہے

فضا میں پھیلتی جاتی ہے ۔۔۔۔خوشبو
اَگرچہ اُس نے منہ کھولا ۔۔نہیں ہے

محبت ہی متاعِ زندگی ۔۔۔۔۔۔ہے
کسی نے بات کو تولا۔۔۔۔نہیں ہے

ترے ہر جھوٹ کو ہم سچ ہی مانیں
زمانہ اِس قدر بھولا ۔۔۔۔نہیں ہے

کہیں کچھ ہو رہا ہے ۔۔۔جانِ جاناں
پرندہ باغ کا بولا ۔۔۔۔۔۔نہیں ہے

پریشاں آپ کیوں کر ہو رہے ۔ہیں
اَبھی اِک راز بھی کھولا۔۔نہیں ہے

غلط ہےاُن کا یوں ۔۔ترکِ تعلق
مگر کوئی شخص بھی بولا ۔۔نہیں ہے