بے اختیار
Poet: م الف ارشیؔ By: Muhammad Arshad Qureshi (Arshi), Karachiخزاں کو آنا ہے یہ بار بار آئے گی
ہمارے بعد بھی پھر سے بہار آئے گی
کسی کی یاد کو آنے سے روک پاؤ گے
یہ جب بھی آئے گی بے اختیار آئے گی
ہم اپنی بات پہ قائم ہیں آج بھی جاناں
ہمارے سامنے تو اشک بار آئے گی
یہ آج کس نے پکارا ہے پھر محبت سے
یہ موت ہم کو یہاں کتنی بار آئے گی
چلو کہ ارشیؔ کہیں اور چل کے رہتے ہیں
کسی کی یاد یہاں بار بار آئے گی
Rate it: 
Views: 1019
29 Nov, 2018
More Love / Romantic Poetry
غزل آنکھوں پہ کھلے حسنِ شفق فام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
Qamar Aasi
