Dard Ke Mausam Ka Kya Ho Ga Asar Anjaan Par
Dosto Pani Kabi Rukta Nahi Dhalvaan Par
Aaj Tak Us Ke Ta'aqub Mein Bagolay Hain Rawa'n
Abrr Ka Tukra Kabi Barsa Tha Registaan Par
Main Jo Parbat Par Charha Wo Aur Uoncha Ho Gaya
Aasma'n Jhukta Nazr Aya Mujhe Maidaan Par
Kamray Khaali Ho Gaye Sayon Se Aangan Bhar Gaya
Doobty Soorj Ki Kirnain Jab Parri Dalaan Par
Ab Yahan Koi Nhi Hai Kis Se Batain Kijiye
Yeh Magar Chup- Chaap Si Tasveer Aatish'daan Par
Aaj Bhi Shayad Koi Phoolo'n Ka Tohfa Bhaij Dy
Titliyan Mandla Rahi Hai Kanch K Guldaan Par
Bas Chalay To Apni Uryaani Ko Is Se Dhanp Lo0n
Neeli Chaadar Si Tanni Hai Jo Geeley Maidaan Par
Wo Khamoshi Se Ungliyan Chatkha Rahi Thi Aey 'Shakeeb'
Ya Ke Boondain Bajj Rahi Theen Raat Roshndaan Par..