اے دلِ بے خبر ابھی کیا ہے

اے دلِ بے خبر ابھی کیا ہے
جانتا بھی ہی عاشقی کیا ہی
سبب جورِ بے رخی کیا ہے
کچھ کہو وجہِ برہمی کیا ہے
جانے والا چلا گیا اب تو
نگہہ شوق دیکھتی کیا ہے
یاد مونس ہے غم گسار ہے دل
شام فرقت میں بے کسی کیا ہے
جی رہا ہوں ترے بغیر مگر
اک مصیت ہے زندگی کیا ہے
جز ترے کیا طلب کروں تجھ سے
مجھ کو تیرے سوا کمی کیا ہے
پر تَوِ حسن روئے دوست ہے یہ
ماہ و انجم میں روشنی کیا ہے
دوستی میرے بخت سے ہے تجھے
مجھ سے اے نیند دشمنی کیا ہے
اپنے بس ہی کی جب نہیں اختر
ہائے ایسی بھی زندگی کیا ہے