تذکرہ اُس حُسن کا اَب کوبکو ہونے لگا

تذکرہ اُس حسن کا اب چار سُو ۔۔۔۔۔۔ہونے لگا
میری رسوائیوں کا چرچا کوبکو۔۔۔۔۔۔ ہونے لگا

عشق کی یہ کونسی منزل ہے اے جاناں کے میں
غا ئبانہ تم سے محوِ گفتگو ۔۔۔۔۔۔۔۔ہونے لگا

شوق سے مارے وہ پتھرجان کر مجنوں ۔۔۔مجھے
اِس سے اِتنا تو ہوا وہ روبرو ۔۔۔۔۔۔۔ہو نے لگا

دل تو زخمی تھا ہی اَب چہرہ بھی خون آلود۔۔ ہے
دیکھ تیرے شہر میں میں سرخرو ۔۔۔ہونے لگا

بے آبروئی ہی یہاں پر آبرو کا نام ۔۔۔۔۔ہے
میں بھلا کیوں عشق میں بے آبرو۔۔ ہونے لگا

مر مِٹا میں تو میری آرزو ۔۔۔۔۔۔۔ہونے لگی
وہ جفا پیشہ شہیدِ جستجو ۔۔۔۔۔۔۔۔۔ہونے لگا