تیز ہوا اور بارش

کالے بادل گرج چمک تیز ہوا اور بارش ہے
سرخ لہو رنگ نیلا امبر تیز ہوا اور بارش ہے

بھیگاسارا دھانی آنچل بھیگے لمبے کالے بال
مکھ پہ بوندیں جیسے اوس تیز ہوا اور بارش ہے

کافی بنائوں یا چائے رکھوں یا پھر کچھ اور
سرد شام لرزتے ہونٹ تیز ہوا اور بارش ہے

خود کو ڈھانپ کے رکھنا ٹھنڈ لگ جائے گی
موسم کچھ بدلا سا ہے تیز ہوا اور بارش ہے

ان سے ملنا طے تھا آج اور دیکھو زاہد
آج صبح سے ہی تیز ہوا اور بارش ہے