حسن پہ نہ مان کیجئے

یوں اسقدر بھی حسن پہ نہ مان کیجئے
تھوڑا سا زندگی کی طرف دھییان کیجئے

میں لوٹ چکا ہوں تیری دہلیز سے جاناں
اب سوچئے نہ خود کو پریشان کیجئے

ممکن ہے تیری ذات آشکار ہو تجھ پر
کچھ دیر مجھے خواب میں مہمان کیجئے

ہاتھوں کی لکیروں سے میرا نام کھرچ لو
اتنا سا کام میرا میری جان کیجئے

راہ وفا میں مخملیں یادوں کا کیا گزر
ذکر چناب و کوہ و بیابان کیجئے

میں جی رہا ہوں آپکے آنے کی آس میں
آؤ یا کسی حشر کا سامان کیجئے

ہاں میں نے تیرے بھرم پہ توڑا ہے اشارہ
اب شوق سے اس بھرم کا چالان کیجئے

یا آتش نمرود سے دامن کو بچا لو
یا حوصلے سے عشق کا اعلان کیجئے

بس سرسری نگاہ سے نہ دیکھو سخن کا رنگ
لفظوں میں چھپے درد کی پہچان کیجئے