Add Poetry

حضور آپ قریب ہیں تو بہار ہے اللہ کی قسم

Poet: IMTIAZ SHARIF IMTIAZ By: RAAZ BHANEWALI, SIALKOT

حضور آپ قریب ہیں تو بہار ہے اللہ کی قسم
ہر چیز پہ حسن ہے نکھار ہے اللہ کی قسم

آپ کا عشق ہے تو پیاری ہے یہ زندگی
ورنہ یہ جیون سارا بیکار ہے اللہ کی قسم

احساس عشق سے ہم نے رقم کیے ہیں یہ الفاظ
ہمیں آپ سے پیار ہے پیار ہے اللہ کی قسم

وہ تو کہیئے ہم آپ کو آزما رہے تھے ورنہ
ہمیں آج بھی آپ کا انتظار ہے اللہ کی قسم

ہائے وہ کم گو وہ شیریں سخن وہ مجسمہء حسن
ہر صفت میں غضب ہمارا یار ہے اللہ کی قسم

فقط کہنے کو یہ دل ہمارا ہے ورنہ حقیقتا
اس دل پہ آپ ہی کا اختیار ہے اللہ کی قسم

حد جنوں تلک جا پہنچا ہے عشق اپنا
اب آپ کے بن جینا دشوار ہے اللہ کی قسم

حضور امتیاز کیا امتیاز کا کلام کیا، وہ تو
آپ کے سبب یہ غزل مزیدار ہے اللہ کی قسم

Rate it:
Views: 963
30 Jan, 2012
Related Tags on Love / Romantic Poetry
Load More Tags
More Love / Romantic Poetry
تُمہاری یاد میں دِل کا نِظام کس کا تھا تُمہاری یاد میں دِل کا نِظام کس کا تھا؟
یہ اِضطراب، یہ شوقِ دَوام کس کا تھا؟
جو بے نَقاب ہوا خواب میں، بتایا نہیں،
یہ حُسن، یہ نگہِ خوش کَلام کس کا تھا؟
سَکوتِ شَب میں جو دِل کو جَلا گیا آخر،
چَراغ کون تھا، شُعلۂ خام کس کا تھا؟
تُمہارے بعد جو تَنہائی کا سَفر گُزرا،
ہر ایک موڑ پہ سایہ، سَلام کس کا تھا؟
جو لَب ہِلے نہ کبھی، اَشک بَن کے بَہتا رہا،
وہ غَم تُمہارا تھا یا میرا نام کس کا تھا؟
جو زَخم دے کے بھی چُپ تھا، وہ شَخص کیسا تھا؟
نہ پُوچھ مجھ سے، وُہی اِنتقام کس کا تھا؟
دھُواں تھا دِل میں، مَگر روشنی سی باقی تھی،
جَلا جو خواب، وُہی احتشام کس کا تھا؟
جو زِندگی کو بِکھرنے سے روک لیتا تھا،
وہ حَرف، وہ دُعا، وہ کَلام کس کا تھا؟
سُنے بغیر جو خاموش ہو گیا مظہرؔ،
وہ آخری سا دِل آشوب جام کس کا تھا؟
نَظر میں عَکس رہا، دِل میں چُپ سا طُوفاں تھا،
یہ بے قَراری، یہ وَجد و قیام کس کا تھا؟
جو دَستِ غیر سے خط بھی ملا تو حَیرت تھی،
بِکھرتے حَرف میں وہ اِحترام کس کا تھا؟
کہیں سے آئی صَدا، اور سَب لَرز سے گئے،
یہ کَیف، یہ اَثر، یہ پَیام کس کا تھا؟
تُمہیں جو کہتے ہیں مظہرؔ وَفا سے دُور ہوا،
بَتاؤ ان کو، وُہی تو غُلام کس کا تھا؟
MAZHAR IQBAL GONDAL
Popular Poetries
View More Poetries
Famous Poets
View More Poets