خاموشی کی زبان۔۔۔

اگر تم یہ سمجھتےہوکہ میں خاموش رہتی ہوں
غلط فہمی تمھاری ہے
یہ لب خاموش رہتےہیں توآنکھیں بول دیتی ہیں
مگر تم پڑھ نہیں پاتے
سُنو جاناں
تم اکثرگُن گناتے ہوتویہ لب کِھلکھلاتےہیں
تُم اکثر مُسکراتےہو تو یہ دل مسکراتاہے
اگرخاموش رہتے ہوتوآنکھیں سب سمجھتی ہیں
مگرلب کُھل نہیں پاتے
سُنو جاناں
خاموشی کی بھی اپنی اِک زباں ہے
بہت میٹھی بہت پیاری
مگر تم پڑھ نہیں پاتے
میں اکثر سوچتی ہوں، مُجھے لگتا ہے یُوں شاید
خاموشی جُرم ہے کو ئی
اگریہ جُرم ہے تو پِھر میں مُجرم ہوں
مُجھے امید ہے جاناں
کبھی تُم جان جاؤ گے
کہ آنکھیں بول سکتی ہیں
بہت گہری ہیں یہ آنکھیں
مگر تم پڑھ نہیں پاتے