خدا پر تیرا ایقاں اب کہاں ہے
Poet: wasim ahmad moghal By: wasim ahmad moghal, lahoreخدا پر تیرا ایقاں اب کہاں ہے
ترے سینے میں ایماں اب کہاں ہے
جسے تھا اک خدا ہی پر بھروسہ
اے یارو وہ مسلماں اب کہاں ہے
کھڑا ہے در پہ ہر اک کے سوالی
تری غیرت کا ساماں اب کہاں ہے
جہاں پر پھول تھے اور تتلیاں تھیں
وہ گلشن وہ گلستاں اب کہاں ہے
جہاں مجنوں بھی رہتا تھا مزے سے
وہ صحرا وہ بیاباں اب کہاں ہے
جہاں پرسویا کرتے تھےسکوں سے
اے لوگو وہ شبستاں اب کہاں ہے
جہاں چوری کا تھا کھٹکا نہ کوئی
وہ خوابوں کا خیاباں اب کہاں ہے
جیو گے کب تلک اس کے سہارے
ترا ماضی درخشاں اب کہاں ہے
تُو کب تک اس کو دہراتا رہےگا
ترا کردارِ ذی شاں اب کہاں ہے
مسلسل ظلم کی یلغار سہتے
یہاں جینے کا ارماں اب کہاں ہے
ادھر تو درد بڑھتا جا رہا ہے
یہاں پر لوگ مرتے جا رہے ہیں
ترے اندر کا انساں اب کہاں ہے
دلوں کے آئینے ٹوٹے پڑے ہیں
مرا ساقی نگہباں اب کہاں ہے
کیا کرتا تھا جو تعریف تیری
وہ شاعر وہ غزل خواں اب کہاں ہے
کوئی بھی پیار کا نغمہ نہ گائے
مرا سازِ رگِ جاں اب کہاں ہے
دلوں میں آرزو باقی نہیں ہے
پلٹ آنے کا اِمکاں اب کہاں ہے
جسے تم ڈھونڈنے نکلے ہو یارو
و سیم احمد پریشاں اب کہاں ہے
دل کو نہیں قبول کوئی بھی صدا، بنا تیرے
خوابوں کی روشنی بھی لگتی ہے بے اثر
آنکھوں میں جو اترتا تھا وہ تھا، بنا تیرے
تنہائی میرے ساتھ اب رہنے لگی ہے یوں
جیسے کوئی رشتہ ہو گیا ہو بنا تیرے
لَمسِ ہوا میں بھی وہ حرارت نہیں رہی
جس میں کبھی مہکتا تھا دل کا دِیا، بنا تیرے
سُنسان ہر گلی ہے، اُدھورا ہے ہر سفر
پایا نہیں سکون کا راستا، بنا تیرے
ذکرِ وفا ہو یا کوئی وعدہءِ دیرپا
سب کچھ ہے میرے سامنے، کیا ہے بنا تیرے؟
اب بھی کبھی کبھی یہ سوال کرتا ہوں
مظہر، کچھ بھی رہ گیا ہے میرا تیرے بنا؟
تمہیں کھو کے جینا بہت دشوار ہے اب
کبھی تم تھے سب کچھ، مکمل تھا
جو باقی ہے وہ صرف انکار ہے اب
تیرے وعدوں میں جو خواب سمٹے تھے
وہی ٹوٹے خوابوں کا بازار ہے اب
تمہاری باتیں، تمہارے لہجے کی نرمیاں
بس یاد ہے، اور وہ بھی بیکار ہے اب
کبھی تمہاری وفا پہ تھا ناز بہت
مگر وہ ناز بھی شرمسار ہے اب
کہتا تھا وقت بدل دیتا ہے سب
مگر دل کا رنج تو برقرار ہے اب
تم جو نہیں تو کچھ بھی نہیں ہے
یہ کائنات بھی بے قرار ہے اب
چلے جاؤ مگر لوٹ کر مت آنا
تمہارا ہر وعدہ فقط خمار ہے اب
جو نقش تھا دل پہ محبت کی طرح
وہیں یاد کا اک دھندلا سا غبار ہے اب
خاموش لمحوں کی صدا ہوں شاید
سناٹے میں کچھ سرشار ہے اب
تم اور یہ تمہاری وفا کی باتیں' سائر'
بس کرو ایسی گفتار سے دل بیزار ہے اب
