خواہش نا تمام

مجھ سے تمہیں اُلفت تو نہیں۔۔۔۔۔ نہ سہی
لیکن۔۔۔۔۔۔۔ پھر بھی
اک گزارش ہے کہ جاؤ ذرا بازار تلک
اک گڑا کسی دوکان سے پیسے دے کر
میری گڑیا کے لئے لے آؤ
مانگ لوں گی میں اسے۔۔۔۔۔۔ اپنی اسی گڑیا کے لئے
ورنہ یہ روئے گی تڑپے گی مچل جائے گی
مجھ کو بھی خون کے آنسو یہ رُلائے گی ضرور
میری گڑیا کی یہ سر کوشی۔۔۔۔۔۔۔۔ دھیرج سے سنو
اس کو گڈا نہ ملا تو اس کے
اندر کی سبھی گڑیاں سبھی گڈے
اس کے اندر سے ہی ٹکرائیں گے مر جائیں گے
پھیل جائے گا زہر۔۔۔۔۔۔۔۔ جسم کی ہر اک رگ میں
فنا ہو جائیں گے خلئے اس کے
لوگ کہہ اُٹھیں گے زمیں بنجر تھی
کس قدر ظلم ہے یہ میرے اجنبی مانوس
جاؤ۔۔۔۔۔۔۔۔ میری گڑیا کے لئے گڈا کوئی لے آؤ
اور میرے لئے