دل بھی دلبری کی بات کریں

دل سے بھی دلبری کی بات کریں
اِس سے کچھ دل لگی کی بات کریں

جس سے روشن ہے میرے دل کا چراغ
ہاں اُسی روشنی کی بات کریں

چاند کیوں مارا مارا پھرتا ہے
اِس سے ہم چاندنی کی بات کریں

وہ جو ہےدل میں بے کلی کا سبب
آؤ اس بے کلی کی بات کریں

کہکشاں جس پہ رشک کرتی ہے
دوستو اس گلی کی بات کریں

جن کی چپ بھی ہے خوشبو کی مانند
ان سے کیا خامشی کی بات کریں

وہ جو پھیلی ہے چاندنی کی طرح
اُن لبوں کی ہنسی کی بات کریں

اُس میں کس چیز کی کمی ہے و سیم
کس لئے ہم کسی کی بات کریں