رب سے حُرمل کے تیر نے پوچھا
Poet: ابنِ مفتی By: سید اے مفتی, houstonروح سے یہ شریر نے پوچھا
تجھ سے کیا کیا ضمیر نے پوچھا
ایسا ممکن ہے رُخ بدل جائے
رب سے حُرمل کے تیر نے پوچھا
اس حقارت بھری نظر کے عِوض
کیا دعا دوں؟ فقیر نے پوچھا
میرا رانجھا تو خیریت سے ہے ؟
مرتے مرتے بھی ہیر نے پوچھا
آپ کتنے میں دیں گےایک غزل ؟
متشاعر امیر ، نے پوچھا
بہرِ اولاد دو گی قربانی
سہمی لڑکی سے پِیر نے پوچھا
کیا مشاغل رہے غزل کے سوا
مجھ سے منکر نکیر نے پوچھا
قیمت عدل مجھ کو بتلائیں
منصفوں سے وزیر نے پوچھا
میرے قاتل کا حال کیسا ہے
جاتے جاتے امیرعلیہ السلام نے پوچھا
جانتے ہو کہ فاطمہ سلام اللہ علیہ کیا ہے ؟
شاہ خیر کثیرﷺنے پوچھا
مجھ سے جمہور کیوں نہیں واقف
واقعہ ء غدیر نے پوچھا
کیوں جنوں پر جنون طاری ہے
خود خرد کے اسیر نے پوچھا
چاند بھی کیا کوئی چپاتی ہے ؟
ایک بھوکے فقیر نے پوچھا
کیا مجھے پِیٹنے سے پاؤ گے
اے فقیرو . لکیر نے پوچھا
کیا ضرورت ہے رات کو مفتی
ہنس کے ، ماہ منیر نے پوچھا
میرے دل کو ہر لمحہ تیرے ہونے کا خیال آتا ہے
تیری خوشبو سے مہک جاتا ہے ہر خواب میرا
رات کے بعد بھی ایک سہنا خواب سا حال آتا ہے
میں نے چھوا جو تیرے ہاتھ کو دھیرے سے کبھی
ساری دنیا سے الگ تلگ جدا سا ایک کمال آتا ہے
تو جو دیکھے تو ٹھہر جائے زمانہ جیسے
تیری آنکھوں میں عجب سا یہ جلال آتا ہے
میرے ہونٹوں پہ فقط نام تمہارا ہی رہے
دل کے آنگن میں یہی ایک سوال آتا ہے
کہہ رہا ہے یہ محبت سے دھڑکتا ہوا دل
تجھ سے جینا ہی مسعود کو کمال آتا ہے
یہ خوف دِل کے اَندھیروں میں ہی رہتا ہے
یہ دِل عذابِ زمانہ سہے تو سہتا ہے
ہر ایک زَخم مگر خاموشی سے رہتا ہے
میں اَپنی ذات سے اَکثر سوال کرتا ہوں
جو جُرم تھا وہ مِری خامشی میں رہتا ہے
یہ دِل شکستہ کئی موسموں سے تَنہا ہے
تِرا خیال سدا ساتھ ساتھ رہتا ہے
کبھی سکوت ہی آواز بن کے بول اُٹھے
یہ شور بھی دلِ تنہا میں ہی رہتا ہے
یہ دِل زمانے کے ہاتھوں بہت پگھلتا ہے
مگر یہ درد بھی سینے میں ہی رہتا ہے
ہزار زَخم سہے، مُسکرا کے جینے کا
یہ حوصلہ بھی عجب آدمی میں رہتا ہے
مظہرؔ یہ درد کی دولت ہے بس یہی حاصل
جو دِل کے ساتھ رہے، دِل کے ساتھ رہتا ہے
