سوچ سمندر تردے عمر گزار لئی
Poet: ALI MUHAMMAD MALOOK By: MUBASHAR ISLAM , LAHOREسوچ سمندر تردے عمر گزار لئی
دکھڑے جردے جردے عمر گزار لئی
اوہدی سانجھ تے پھر وی رہی اے غیراں نال
جس دا پانی بھردے عمر گزار لئی
کالی رات دے مکھ توں کالک دھوون لئی
چانن کردے کردے عمر گزار لئی
ساہواں والی پونجی دائ تے لاوندے رہے
جیون بازی ہردے عمر گزار لئی
لوکاں نوں اپڑاوندے رہے آں منزل تے
اپنی وچ سفر دے عمر گزار لئی
آیا نہ آرام نمانے زخماں نوں
مرہم دھردے دھردے عمر گزار لئی
رہ کے ککھاں دئی کلی وچ اسیں ملوک
پالے ٹھردے ٹھردے عمر گزار لئی
Rate it: 
Views: 680
22 May, 2013
More Love / Romantic Poetry
