غزل ۔۔۔سدائے موسم گل
Poet: Tariq Butt By: Gul Bose, Karachiہزار خواب نظر میں جگا کے چلتے ہیں
ہم اپنی راہ میں منظر سجا کے چلتے ہیں
سُجھا تو دیتے ہیں یارانِ کم نگاہ کو بھی
ہرایک چال ہم اپنی ، جتا کے چلتے ہیں
حساب ہم نے کسی کا اُٹھا نہیں رکھا
یہ قرضِ جاں ہے، سو یہ بھی چُکا کے چلتے ہیں
چراغ یادوں نے ایسے جلائے ہیں دل میں
کہ جن پہ زور، نہ جادو، ہوا کے چلتے ہیں
تمام راہیں گلستاں کی بند ہوں جن پر
وہ خاک ہو کے ، جِلو میں صبا کے چلتے ہیں
یہ لوگ شیشے سے نازک تھے اپنی کایا میں
جو روز و شب کی چٹانیں اُٹھا کے چلتے ہیں
ادب کی جا، یہ مقاماتِ عشق ہیں، طارق
کہ کج کلاہ بھی یاں ، سر جھکا کے چلتے ہیں
More Love / Romantic Poetry
وہ پھول اپنی کتابوں میں رکھ کے بھول گیا وہ پھول اپنی کتابوں میں رکھ کے بھول گیا
میں اس کے نام کو باتوں میں رکھ کے بھول گیا
وہ ایک خواب جو آنکھوں میں پل رہا تھا کبھی
میں اس کو بند دریچوں میں رکھ کے بھول گیا
تری یادوں کے چراغوں کی روشنی لے کر
میں رات بھر کئی خوابوں میں رکھ کے بھول گیا
تری نگاہ کے نشّے کا کیا کروں آخر
میں دل کو تیری شرابوں میں رکھ کے بھول گیا
بتاؤ ان تری یادوں کا سلسلہ کیا ہے
میں اپنے آپ کو باتوں میں رکھ کے بھول گیا
وہ ایک خط جو محبت کی داستاں تھا کبھی
میں اس کو اپنی کتابوں میں رکھ کے بھول گیا
چھپائے رکھا تھا شہزاد دل میں مدت سے
میں اس کا ذکر بھی باتوں میں رکھ کے بھول گیا
میں اس کے نام کو باتوں میں رکھ کے بھول گیا
وہ ایک خواب جو آنکھوں میں پل رہا تھا کبھی
میں اس کو بند دریچوں میں رکھ کے بھول گیا
تری یادوں کے چراغوں کی روشنی لے کر
میں رات بھر کئی خوابوں میں رکھ کے بھول گیا
تری نگاہ کے نشّے کا کیا کروں آخر
میں دل کو تیری شرابوں میں رکھ کے بھول گیا
بتاؤ ان تری یادوں کا سلسلہ کیا ہے
میں اپنے آپ کو باتوں میں رکھ کے بھول گیا
وہ ایک خط جو محبت کی داستاں تھا کبھی
میں اس کو اپنی کتابوں میں رکھ کے بھول گیا
چھپائے رکھا تھا شہزاد دل میں مدت سے
میں اس کا ذکر بھی باتوں میں رکھ کے بھول گیا
Ab shahzad






