Add Poetry

غم یہ نہیں ہے اس نے توڑا ہے دل ہمارا

Poet: Khalid Mahmood By: Khalid Mahmood, Abha_Saudi Arabia

غم یہ نہیں ہے اس نے توڑا ہے دل ہمارا
افسوس ہے کہ ہم کو اپنا بنا کے مارا

محفل سے جا چکے ہیں محفل سجانے والے
جو شمع بجھ گئی ہو اب کیا جلے دوبارہ

آنکھیں تمہارے دل کی دیتی نہیں گواہی
جو دل میں ہے تمہارے اب کہہ بھی دو خدارا

حاکم وطن کو جس نے فرعون لکھا
حق زندہ ہو گیا پر مارا گیا بے چارہ

تڑپا جو دل ہمارا تم نے پکارا ہو گا
دنیا میں کون ہو گا تیرے سوا ہمارا

خالد اداس کیوں ہے سارے شہر کا موسم
بچھڑے ہوئے مسافر ملتے نہیں دوبارہ

Rate it:
Views: 475
19 Apr, 2011
Related Tags on Love / Romantic Poetry
Load More Tags
More Love / Romantic Poetry
تُمہاری یاد میں دِل کا نِظام کس کا تھا تُمہاری یاد میں دِل کا نِظام کس کا تھا؟
یہ اِضطراب، یہ شوقِ دَوام کس کا تھا؟
جو بے نَقاب ہوا خواب میں، بتایا نہیں،
یہ حُسن، یہ نگہِ خوش کَلام کس کا تھا؟
سَکوتِ شَب میں جو دِل کو جَلا گیا آخر،
چَراغ کون تھا، شُعلۂ خام کس کا تھا؟
تُمہارے بعد جو تَنہائی کا سَفر گُزرا،
ہر ایک موڑ پہ سایہ، سَلام کس کا تھا؟
جو لَب ہِلے نہ کبھی، اَشک بَن کے بَہتا رہا،
وہ غَم تُمہارا تھا یا میرا نام کس کا تھا؟
جو زَخم دے کے بھی چُپ تھا، وہ شَخص کیسا تھا؟
نہ پُوچھ مجھ سے، وُہی اِنتقام کس کا تھا؟
دھُواں تھا دِل میں، مَگر روشنی سی باقی تھی،
جَلا جو خواب، وُہی احتشام کس کا تھا؟
جو زِندگی کو بِکھرنے سے روک لیتا تھا،
وہ حَرف، وہ دُعا، وہ کَلام کس کا تھا؟
سُنے بغیر جو خاموش ہو گیا مظہرؔ،
وہ آخری سا دِل آشوب جام کس کا تھا؟
نَظر میں عَکس رہا، دِل میں چُپ سا طُوفاں تھا،
یہ بے قَراری، یہ وَجد و قیام کس کا تھا؟
جو دَستِ غیر سے خط بھی ملا تو حَیرت تھی،
بِکھرتے حَرف میں وہ اِحترام کس کا تھا؟
کہیں سے آئی صَدا، اور سَب لَرز سے گئے،
یہ کَیف، یہ اَثر، یہ پَیام کس کا تھا؟
تُمہیں جو کہتے ہیں مظہرؔ وَفا سے دُور ہوا،
بَتاؤ ان کو، وُہی تو غُلام کس کا تھا؟
MAZHAR IQBAL GONDAL
Popular Poetries
View More Poetries
Famous Poets
View More Poets