محبت کا زمانا یاد آیا
Poet: ندرت کانپوری By: ہارون فضیل, Islamabadمحبت کا زمانا یاد آیا
مجھے اپنا فسانا یاد آیا
جبیں کی شورشیں اللہ اکبر
پھر ان کا آستانہ یاد آیا
وہ روداد الم پھر یاد آئی
ترا آنسو بہانا یاد آیا
اسیروں کو قفس کی زندگی میں
نشیمن کا زمانا یاد آیہ
لب گل کا تبسم کچھ نہ پوچھو
تمہارا مسکرانا یاد آیا
وہ عالم اپنی ازخود رفتگی کا
وہ ان کا پاس آنہ یاد آیا
گلے شکوے کہاں تک ان سے ندرتؔ
یہ کب کا دوستانہ یاد آیا
Rate it: 
Views: 952
25 Jan, 2022
More Love / Romantic Poetry
