مری آنکھوں میں ایسے اُس کا چہرہ سانس لیتا ہے
Poet: ورد بزمی By: ورد بزمی, اسلام آبادمری آنکھوں میں ایسے اُس کا چہرہ سانس لیتا ہے
سمندر میں اتر کر جیسے دریا سانس لیتا ہے
مری تنہائیوں میں جو شریکِ فکر رہتا ہے
مری غزلوں میں ہر پل اس کالہجہ سانس لیتا ہے
نہ چھیڑو اس کو رہنے دو مگن اپنے تصور میں
یہ دیوانہ اسی میں لمحہ لمحہ سانس لیتا ہے
زرا سی دیر ٹھہرو، تند لہرو حوصلہ کر لو
کسی کی یاد میں ڈوبا کنارا سانس لیتا ہے
کسی بھی موڑ پر رکتا نہیں منزل سے پہلے میں
مرے قدموں سے تو منزل کا رستہ سانس لیتا ہے
کوئی اندازہ اسکے کرب کا کر ہی نہیں سکتا
بہ نوکِ خار جو شبنم کا قطرہ سانس لیتا ہے
جو منظرہے پسِ منظر میں بھی اسکے کہانی ہے
حقیقت کے لبادے میں فسانہ سانس لیتا ہے
برابر دیکھتا رہتا ہے میری آنکھ کی حیرت
تحیر کے فلک پر جو ستارہ سانس لیتا ہے
کیا کرتا ہوں میں محسوس لمسِ جانِ وَرد اُس میں
مرے آنگن میں جو خوشبو کا جھونکا سانس لیتا ہے
Rate it: 
Views: 529
06 Jun, 2014
More Love / Romantic Poetry
وہ پھول اپنی کتابوں میں رکھ کے بھول گیا وہ پھول اپنی کتابوں میں رکھ کے بھول گیا
میں اس کے نام کو باتوں میں رکھ کے بھول گیا
وہ ایک خواب جو آنکھوں میں پل رہا تھا کبھی
میں اس کو بند دریچوں میں رکھ کے بھول گیا
تری یادوں کے چراغوں کی روشنی لے کر
میں رات بھر کئی خوابوں میں رکھ کے بھول گیا
تری نگاہ کے نشّے کا کیا کروں آخر
میں دل کو تیری شرابوں میں رکھ کے بھول گیا
بتاؤ ان تری یادوں کا سلسلہ کیا ہے
میں اپنے آپ کو باتوں میں رکھ کے بھول گیا
وہ ایک خط جو محبت کی داستاں تھا کبھی
میں اس کو اپنی کتابوں میں رکھ کے بھول گیا
چھپائے رکھا تھا شہزاد دل میں مدت سے
میں اس کا ذکر بھی باتوں میں رکھ کے بھول گیا
میں اس کے نام کو باتوں میں رکھ کے بھول گیا
وہ ایک خواب جو آنکھوں میں پل رہا تھا کبھی
میں اس کو بند دریچوں میں رکھ کے بھول گیا
تری یادوں کے چراغوں کی روشنی لے کر
میں رات بھر کئی خوابوں میں رکھ کے بھول گیا
تری نگاہ کے نشّے کا کیا کروں آخر
میں دل کو تیری شرابوں میں رکھ کے بھول گیا
بتاؤ ان تری یادوں کا سلسلہ کیا ہے
میں اپنے آپ کو باتوں میں رکھ کے بھول گیا
وہ ایک خط جو محبت کی داستاں تھا کبھی
میں اس کو اپنی کتابوں میں رکھ کے بھول گیا
چھپائے رکھا تھا شہزاد دل میں مدت سے
میں اس کا ذکر بھی باتوں میں رکھ کے بھول گیا
Ab shahzad
