مسکر ا کر دل ہمارا لے گئے

مسکر ا کر دل ہمارا لے گئے
چودھویں کے چاند ، تار ا لے گئے

چاند نے پوچھا حسیں تر کون ہے ؟
نام جلدی میں تمہارا لے گئے

ڈوب جاتے ہم بھی آخر بالیقیں
اُن کی نظروں کا سہارا لے گئے

اُن کے قدموں کی ضیافت کیلئے
آنسوؤ ں کا آب پارا لے گئے

کچھ پتہ دل کا نہ سانسوں کی خبر
لُوٹ کر سامان سارا لے گئے

اے زمانے ! بھول بھی جا اب ہمیں
ہم مسافر کی تمہارا لےگئے

آپ کے کوچے میں مدفن ہے مرا
کس طرف کو تاجدارا ! لے گئے

یاد آئی آنسوؤ ں نے کیاکیا؟
ساتھ پلکوں کا کنارا لے گئے

ناز والے ! دل ہمارا لے اُڑے
جیت والے ایک ہارا ،لے گئے

وہ تو سیلانی ہماری جان ہیں
لوٹ کر جو دل ہمارا لے گئے