میرانام ہے محبت

محبت ایک عبادت ہے
سالوں کی ریاضت ہے
محبت ایک طاقت ہے

محبت لبوں سے نکلتی دعا ہے
محبت جھکتی ہوئی آنکھ کی حیا ہے
محبت ایک پیمان وفا ہے
محبت سجدے میں جا کر
دل سے نکلتی صدا ہے

محبت منزل کا جنون ہے
محبت دل کا سکون ہے

محبت روح کا رشتہ ہے
محبت فنا کا رستہ ہے
محبت ایمان کی ساتھی
محبت معصوم فرشتہ ہے

یہ دل کا مندر ڈھاتی ہے
انسان کو سمندر بناتی ہے
آزمائش کی بھٹیوں میں تپاتی ہے
پھر کندن بناتی ہے
محبت جینا سکھاتی ہے
اپنےخالق سے ملاتی ہے

محبت دو دلوں کا
روحانی بندھن ہے
محبت خوشبوئے وطن ہے
محبت جنت عدن ہے