نہ ایسے پیار سے دیکھو خدارا
مرے بارے ذرا سوچو خدارا
خموشی مار ڈالے گی تمھاری
ذرا سا کچھ نہ کچھ بولو خدارا
پڑھائی میں نہیں ملنے لگا کچھ
ہنر کوئی ابھی سیکھو خدارا
تمھارے بن مرا کوئی نہیں ہے
نہ ایسے جھوٹ تم بولو خدارا
وہاں سے واپسی ممکن نہیں ہے
مجھے روکو مجھے روکو خدارا
تمھارے بن نہیں جی پاؤں گا میں
نہ تنہائی میں یوں رولو خدا را
تمھارے لیے مخلص ہی ہوں میں
مجھے ایسے نہ تم ٹوکو خدارا
نہیں ہوں بے وفا شہزاد سن لو
نہ ایسے پیار کو تولو خدارا