گہری خاموشی کو آخر توڑنا اچھا لگا

گہری خاموشی کو آخر توڑنا اچھا لگا
جھیل کے پانی میں پتھر پھینکنا اچھا لگا

ھم مخالف سمت کے اک موڑ پر ٹکرا گئے
اور اِک دوجے کی جانب دیکھنا اچھا لگا

کیا تروتازہ ھوَے اوراقِ ماضی کھول کے
بعد مدت پاس اْس کے بیٹھنا اچھا لگا

باتوں باتوں میں کئ شکوے زباں تک آ گئے
اور پھر آنکھوں میں آنسو تیرنا اچھا لگا

کیا بلا کا سحر تھا اُس رات کا جس رات میں
لطف موسم نے دیا اک سامنا اچھا لگا

زںدگی بھر ایک ہی طرزِ عمل اچھا نیہں
چُپ بھی اچھی تھی مگر اب بولنا اچھا لگا

زندگی کا بانکپن اِھلِ محبت کے لیے
اِک قبائے بند تھا جو کھولنا اچھا لگا