ہمیں تیری محبت نے

قسم سے توڑ ڈالا ہے ہمیں تیری محبت نے
بڑی مشکل میں ڈالا ہے ہمیں تیری محبت نے

تمہاری یاد آتی ہے، تمہیں جتنا بھلاتے ہیں
تم اتنا دور جاتے ہو، تمہیں جتنا بلاتے ہیں

تمہارے دور جانے سے ہماری جان جاتی ہے
تمہارے پاس آنے سے ہمیں دنیا ستاتی ہے

زمانے بھر کی رسوائی، مِلی قسمت سے تنہائی
کِسے جا کے دہائی دیں، کہاں ہو اپنی شنوائی

تمہاری بے وفائی نے ہمیں تو مار ڈالا ہے
تمہاری کج ادائی نے ہمیں جھنجھوڑ ڈالا ہے

قسم سے توڑ ڈالا ہے ہمیں تیری محبت نے
بڑی مشکل میں ڈالا ہے ہمیں تیری محبت نے