ہوائے تُند رواجوں کی سب اُجاڑ گئی

ہوائے تُند رواجوں کی سب اُجاڑ گئی
مُحبتوں کی ، طَنابیں تَلک اُکھاڑ گئی

بڑے خُلوص ، بڑی چاہ سے جو کھینچا تھا
ہمارے خواب کا , نقشہ ہی وہ بگاڑ گئی

وہ شاخِ شوق پہ تیری طلب کا پہلا پُھول
کِھلا ہی تھا جو ابھی ، اور قَضا کہ تاڑ گئی

فقیہہِ شہر ، گرجتا ہے کیوں سرِ مِنبر
ہماری جان گئی , تیری نہ چھیڑ چھاڑ گئی

نہ جانے جاتے سمے کِن زلزلوں کی زَد پہ تھی
وہ رو رہی تھی ، اور خط بھی میرے پھاڑ گئی

عنایت ، ہوتے کبھی ہم بھی آرزو اُن کی
بس ایک اتنی سی خواہش ہمیں اُجاڑ گئی